Maşın marketə girdi: 50 min ziyan - FOTO

Sürücüsü sərxoş olan avtomobil idarəetmədən çıxaraq marketə girib. Avtosfer.az Türkiyə mətbuatına istinadən xəbər verir ki, hadisə İstanbulun Üsküdar rayonunda baş verib.

Hərəkətdə olan avtomobil bilinməyən səbəblərdən idarəetmədən çıxaraq əvvəlcə səkiyə sonrada dükana girib. Vəziyyəti görən vətəndaşlar polisə xəbər veriblər. Hadisə yerinə gələn polis əməkdaşları sürücünü sərxoşluq testindən keçiriblər və onun sərxoş olduğu məlum olub.

Qəza nəticəsində ölən və ya xəsarət alan olmasa da marketə 50 min lirə dəyərində ziyan dəyib.

Bəzi şəxslər hadisəni sosial şəbəkədə canlı yayım edərək qəzanı izləyiciləri ilə paylaşıb.

Avtomobil marketdən kran vasitəsi ilə çıxarılıb.

Polis qəza ilə bağlı araşdırma aparır.

Namiq