Metro çıxışını "parkinqə" çevirən sürücü - FOTO

25 noyabr 2018-ci il tarixində  oxucularımızdan biri avtosfer.az saytına öz rahatlığı üçün bütün ətrafdakılara narahatlıq yaradan, özündən başqa heç kimi düşünməyən sürücünün avtomobilinin fotosunu göndərmişdi. Belə ki, 23.11.2018 tarixində 90 TP 265 dövlət qeydiyyat nişanlı, "Toyota" markalı avtomobilin sürücüsü maşını Sahil metrosuna giriş-çıxışın, yeraltı keçidin düz qarşısına  saxlamışdı. Məsələ ilə bağlı Avtosfer.az portaında dayanma-durma ilə bağlı cərimələri yazma səlahiyyətində olan BNA-ya irad da bildirilmişdi. Amma görünən odur ki, bu sürücü öz bildiyindən əl çəkmir. Belə ki, dünən yenidən həmin avtomobilin eyni yerdə park etdiyi barədə foto redaksiyamıza daxil olub. 

Görünür ki, BNA-nın yazdığı cərimə belə işə yaramır. Bu sürücü konkret olaraq şəkini özünə park yeri edib. Burada bir məqamı da qeyd etmək yerinə düşərdi. Qaydalara görə, yol polisi də bu sürücünü səkidə saxladıöl üçün 40 manat məbləğində cərimə edə bilər. 

Yəqin ki, hər iki qurum bu sürücünü bir neçə dəfə ardıcıl cəzalandırsa bu əməlindən əl çəkər. 

Kənan