Minlərlə tələbənin getdiyi yolda səkini daraldıb obyekt tikirlər - FOTO

Metronun "Elmlər Akademiyası"nın əsas çıxışından Bakı Dövlət Universitinə gedən yolda tikilən obyekt piyadalara çətinlik yaradır.

Avtosfer.az xəbər verir ki, bu barədə vətəndaşlar sosial şəbəkələrdə fotolar paylaşaraq şikayətlərini bildiriblər. İndiyə kimi tikinti meydançasında məlumat lövhəsi yerləşdirilmədiyi üçün obyekt təyinatı məlum deyil.

Ehtimal edilir ki, tikilən obyekt restoran olacaq. Amma bunun barəsində rəsmi məlumat yoxdur.

Qeyd edək ki, bundan öncə də ərazidə yeni tikilən obyektlərin səkini daraltdığı barədə yazmışdıq.

Eltac