Mübahisə edən iki sürücünü maşın vurdu: 4 yaralı - FOTO

Yolda mübahisə edən iki sürücünü maşın vurub. Avtosfer.az Türkiyə mətbuatına istinadən xəbər verir ki, hadisə Türkiyənin Ankara şəhərində baş verib.

Belə ki, hərəkətdə olan iki avtomobil toqquşub. Qəzadan sonra avtomobillərinə ciddi ziyan dəymiş iki sürücü mübahisə etməyə başlayıb. Bu əsnada başqa bir maşın mübahisə edən iki sürücünü və onların avtomobilini vurub. Arxadan gələn digər bir maşında avtomobillər çırpılıb.

4 nəqliyyat vasitəsinin iştirak etdiyi zəncirvari yol qəzasında, mübahisə edən 2 sürücü olmaqla 4 nəfər xəsarət alıb.

Yaralılar çağrılan tibb əməkdaşları tərəfindən ilkin tibbi yardım göstərildikdən sonra xəstəxanaya aparılıblar.

Mübahisə edən zaman avtomobillə vurulan 2 sürücünün vəziyyəti ağır olduğu bildirilib.

Namiq