Nəsimidə bina sakinləri qanunsuz parklama zonası yaradıb - FOTO

Paytaxtın Nəsimi rayonundakı məhəllələrdən birindəki özbaşınalıq vətəndaşlar arasında narazılıq yaradıb.
Avtosfer.az-a müraciət edən rayonun 3-cü mikrorayonundakı binalardan birinin sakini bildirib ki, onların evinin önündəki məhəllədə bir qismi tərəfindən ümumi istifadə üçün nəzərdə tutulmuş dövlət torpağı qanunsuz zəbt olunub.
Şikayətçi qeyd edir ki, həmin ərazi hamının sərbəst istifadəsində olmalı, hər hansı süni məhdudlaşdırıcı maneə quraşdırmaq qanunsuzdur:
 “Mən də bina sakiniyəm və məhlənin belə hasarlanmasının tərəfdarı deyiləm. Qonşuların bu cür hərəkəti isə digər maşını olan sakinlərə qarşı açıq hörmətsizlikdir”, – deyə şikayətçi əlavə edib.
Hazırda məsələ ilə bağlı hüquqi prosedurların başlanması və sakinlərin narazılıqlarının araşdırılması gözlənilir.

Fidan