Obyektin qabağını kəsən sürücüyə şapalaq kimi mesaj: "İnciyərəm" - FOTO

Oxuculardan biri redaksiyamıza maraqlı bir foto göndərib. Belə ki, Təbriz və Xəlil Rza küçələrinin kəsişməsində, üzü Mərkəzi Univermaq tərəfə qanunsuz, həmçinin kobud formada park etmiş sürücüyə obyekt sahibi tərəfindən maraqlı bir mesaj verilib. 99-GG-215 dövlət nömrə nişanlı, "Hundai" markalı avtomobilin sürücüsü maşını elə saxlayıb ki, obyektə giriş-çıxışı bağlayıb. Həmçinin divarla arasında çox məsafə saxladığı üçün də yolun daralmasına səbəb olub. Bir az iri maşınlar küçədən keçə bilmir. Obyektin sahibi isə çıxış yolu kimi belə bir yazı yazaraq avtomobilin alın şüşəsinə qoyub. "Gələn səfər xəbər elə qapını açım, içəri saldı maşınını. İnciyərəm yoxsa."
Yəqin ki, bu mesaj başa düşən sürücü üçün tərs bir şapalaqdır. 
Avtosfer.az fotoları təqdim edir: 

Orxan