Oğuz rayonunda xəsarətlə nəticələnən yol-nəqliyyat hadisəsi baş verib. Avtosfer.az Report-a istinadən xəbər verir ki, hadisə bu gün axşam saatlarında İsmayıllı-Qaraməryəm-Şəki avtomobil yolunun rayonun Sincan kənd ərazisindən keçən hissəsində qeydə alınıb. Rayon sakini Əliyev Taleh Gündüz oğlunun idarə etdiyi "Mercedes" markalı minik avtomobili ilə hərəkətdə olarkən rayonun Sincam kənd sakini Məftun Nəcəf oğlu Nəcəfovun olduğu at arabasını vurub. Qəza zamanı at arabasında olan arabaçı M. Nəcəfov aldığı müxtəlif dərəcəli bədən xəsarətləri ilə Oğuz rayon Mərkəzi Xəstəxanasına yerləşdirilib. 

Qəza zamanı at tələf olub.

Faktla bağlı araşdırma aparılır.