Qapalı şəlalə, cakuzi, kəpənək və bambuk bağları... - Dünyanın ən yaxşı aeroportu - FOTOLAR

Sinqapurun Çangi aeroportu dünyanın ən yaxşı hava limanıdır. Avtosfer.az “Qafqazinfo”ya istinadən xəbər verir ki, bu barədə “Forbes Travel Guide” bələdçilik xidmətinin açıqladığı reytinqdə deyilir.  Artıq ikinci dəfədir, bu nominasiyada qalib seçilən Çangi aeroportu hava limanı konsepsiyasına yeniliklər gətirməsi ilə seçilir. Belə ki, aeroportun daxilində dünyanın ən hündür qapalı şəlaləsi, 24 saat fəaliyyət göstərən kinoteatr, kəpənək və bambuk bağları, eləcə də sərnişinlərin təyyarələrin havaya qalxmasını izləyə biləcəkləri hovuz və cakuzi yerləşir. Bundan başqa, Birləşmiş Ərəb Əmirliklərinin (BƏƏ) “Emirates” aviaşirkəti dünyanın ən yaxşı hava yolları şirkəti seçilib. Mütəxəssislər qeyd edir ki, bu aviadaşıyıcının uğurunun sirri sərnişinlərə göstərilən xidmətin hər aspektini daim təkmilləşdirməsindədir. ABŞ-nin ən yaxşı aviaşirkəti isə pulsuz Wi-Fi təklif edən “Delta Air Lines” şirkəti seçilib.