Reys avtobusu 20 metrlik hündürlükdən aşdı: 5 ağır, 17 yaralı - FOTO

Taylandda dağ yolunda hərəkətdə olan reys avtobusu 20 metrlik hündürlükdən yuvarlanıb.
Avtosfer.az “CTV”yə istinadən xəbər verir ki, avtobus Çianqmay şəhərindən Pxre əyaləti istiqamətinə hərəkət edib. Bu barədə məlumat iyunun 1-i “Nation” qəzetinin internet versiyasında yayımlanıb.
Nəşrin məlumatına görə, insident mayın 31-i yerli vaxtla 20.30-da baş verib. Avtobusun sürücüsü bildirib ki, enişli dağ yolunda pikap onu sıxışdırıb. O isə qəzadan qaçmaq istəyərkən sükan idarəetməsini itirərək 20 metrlik hündürlükdən boş əraziyə düşüb.
Qəza nəticəsində 17 nəfər xəsarət alıb. Onlardan beşinin vəziyyəti ağırdır.
Yaralılar yaxınlıqdakı xəstəxanalara yerləşdirilib.
Polis hadisə ilə bağlı araşdırmalara başlayıb.

Namiq