Şəhərin mərkəzində "40 pilləkən aşiqi" kimdir? - FOTO

Paytaxtın Salatın Əsgərova küçəsində səkidə "40 pilləkən" effekti yaradaraq şəhər sakinlərinə "nostalji yaşatmaq" istəyiblər

Avtosfer.az xəbər verir ki, Nəsimi rayonu, Səməd Vurğun küçəsi ilə Salatın Əsgərova küçələrinin kəsişməsindəki səkidə yaranmış vəziyyət heç də ürəkaçan deyil. Belə ki, onsuz da dar olan səkinin bir tərəfini qazpaylayıcı tutub. Səkidə pilləkən yarananlar isə nə fiziki qüsurlu şəxsləri, nə uşaq arabası ilə hərəkət edənləri, nə də digərlərini nəzərə alıb. Belə ki, pilləkənin üstü sürüşkən mərmər ilə örtülüb. Bir az yağış yağan kimi ordan yıxılan və əzilən şəxslərin məsuliyyəti kimin üzərində olacaq?
Həmçinin fiziki qüsurlu şəxslər burdan necə istifadə etsin?
Əslində səkini "yeyən" obyekt sahibləri və bu icazə verənlər görəsən öz məsuliyyətlərini dərk edirmi?

Könül Rauf