Səkinin hesabına qanunsuz parkinq yaradıb piyadaların yolunu kəsdilər - FOTO

Paytaxtın Nəsimi rayonu Eldar Tağızadə küçəsində piyadaların getməsi üçün yol yoxdur. Avtosfer.az xəbər verir ki, bu barədə izləyicilərdən biri foto göndərib. Belə ki, ərazidə fəaliyyət göstərən obyeklər səkinin daraldılması hesabına qanunsuz parkinq zonası yaradıb. Piyadaların keçməsi üçün isə cəmi 80 sm enində səki saxlanılıb.

İşin acınacaqlı tərəfi isə park edən avtomobillərin həmin hissəni də ikiyə bölməsidir. Belə ki, maşınlar elə saxlayır ki, onsuz da “bir qarış” qalmış səki bir az da daralır. Hələ ortada bir işıq dirəyi də olsa piyadaların keçməsi üçün yer qalmır.

Sakinlər deyir ki, səkinin hesabına parkinq yaratmaları bir yana, maşınları da düzgün park etməməklə yenidən yolu kəsirlər.

Fərid