Sərnişin avtobusu maşına və TIR-a çırpıldı: 2-si ağır, 11 yaralı - FOTO

Türkiyənin Ərzincan-Ərzurum magistral yolunda idarəetmədən çıxan sərnişin avtobusu əvvəlcə avtomobilə sonra da TIR-a çırpılıb.

Avtosfer.az yerli mətbuata istinadən xəbər verir ki, qəza nəticəsində 11 nəfər xəsarət alıb.

Hadisə yerinə xeyli sayda tibb, xilasetmə və polis briqadaları cəlb edilib.

Yaralılar təcili tibbi yardım maşınları ilə ərazidəki xəstəxanalara yerləşdiriliblər.

Onlarda 2 nəfərin vəziyyətinin ağır olduğu bildirilib.

Qəza yolun qarlı və sürüşkən olması səbəbindən baş verib.

Polis faktla bağlı araşdırmalara başlayıb.

Namiq