Toqquşan maşınlardan biri yandı: 4 ölü, 2 yaralı - FOTO + VİDEO

Türkiyənin Sinop bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyunun 11-də Sinop-Boyabat avtomagistralının 15-ci kilometrliyində qeydə alınıb.

Məlumata görə, tibb işçilərinin olduğu maşın, əks yolda hərəkətdə olan minik avtomobili ilə toqquşub.

Zərbənin təsirindən maşın yanıb, digər minik avtomobili isə deformasiyaya uğrayaraq dəmir arakəsmələrin üzərində asılı qalıb.

Nəticədə maşında olan üç nəfər yanaraq, digər avtomobilin sərnişini isə aldığı xəsarətlərdən hadisə yerində ölüblər. Daha 2 nəfər (yanan maşının sərnişini və minik avtomobilinin sürücüsü) müxtəlif dərəcəli bədən xəsarətləri alıblar.

Yaralılara ilkin tibbi yadım göstərildikdən sonra yaxınlıqdakı xəstəxanaya aparılıblar.

Faktla bağlı araşdırma aparılır.

Namiq Musayev