“Toyota” yük maşını ilə toqquşdu: 4 ölü, 3 yaralı - FOTO

Rusiyanın Krasnoyarsk bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə iyunun 19-da P-255 Federal avtoyolunun 565-ci kilometrliyində qeydə alınıb.

Məlumata görə, hərəkətdə olan “Toyota Estima” markalı minik avtomobili, ötmə əməliyyatı zamanı yolun əks istiqamətinə çıxaraq qarşıdan gələn “Qaz” markalı yük maşını ilə toqquşub.

Zərbənin təsirindən minik avtomobili deformasiyaya uğrayıb və yol kənarına düşüb.

Nəticədə “Toyota”da olan 8 nəfərdən 4-ü hadisə yerində ölüb, daha 3-ü isə ağır vəziyyətdə xəstəxanaya yerləşdirilib. 

Faktla bağlı araşdırma aparılır.

Namiq Musayev