Trampın 1 milyon dollarlıq “Ferrari”si satışa çıxarılır: Cəmi 15 min gedib - FOTO

ABŞ-nin yeni seçilmiş prezidenti Donald Trampa məxsus “Ferrari F430” satışa çıxarılacaq.

Avtosfer.az xəbər verir ki,  “Rockstar Car Auctions” tərəfindən keçirilən hərracın fevralın 16-dan martın 9-dək keçirilməsi planlaşdırılır. Bu barədə “Carscoops.com” məlumat yayıb.

Bildirilir ki, avtomobil 1 milyon dollar dəyərində qiymətləndirilir (hazırki məzənnə ilə 1.700.000 min manat). Gələcək sahibi idman avtomobili ilə yanaşı, avtomobilin qeydiyyat sənədinin əslini, həmçinin Trampın adına olan zəmanət kartını da alacaq. Avtomobilin yürüşü 15 min kilometrdir.

Qeyd olunur ki, Donald Tramp avtomobilin ilk sahibi olub. Maşın 2007-ci ildə alınıb.

Xatırladaq ki, bundan əvvəl 2024-cü ildə Trampa məxsus olan 1997-ci il “Lamborghini Diablo VT” hərracda 1,1 milyon dollara satılmışdı.

Namiq Musayev