![Adına beş şirkət açıldı: vergi borcu gələndə xəbər tutdu - VİDEO](/upload/news/small/3478829.jpeg)
Türkanda dəniz çirkləndirildi: Zavodlar Xəzərə plastik xammal atıb? - FOTO
![Türkanda dəniz çirkləndirildi: Zavodlar Xəzərə plastik xammal atıb? - FOTO](/upload/news/1090718.png)
Paytaxtın sahilləri zavodlar tərəfidən çirkləndirilir.
Avtosfer.az xəbər verir ki, Bakının 32 kəndindən biri olan Türkanda Xəzər dənizinin sahillərində plastik dənəciklər görülüb. Bunlar plastik məmulatların istehsalı üçün istifadə olunur.
Yaranan vəziyyətin fotosu sosial şəbəkədə müzakirələrə səbəb olub. Vaxtaşırı ölkənin su mənbələrinin istehsalçı zavod və fabriklər tərəfindən çirkləndirilməsi mövzusu medianın və sosial şəbəkələrinin gündəminə çevrilib. Bu dəfə də özbaşınalığına qarşı hansısa cəza tədbiri görülməyən zavodlar - sahibkarlar əhalini təəccübləndirməyib və anoloji əməllərini təkrarlayıblar.
Şəbəkə istifadəçiləri bildirir ki, belə xammal məhsullarına əhalinin sıx olduğu yerlərdə rast gəlmək mümkün deyil. Böyük ehtimalla, bu kimyəvi maddəni plastik istehsal edən müəssisələrdən biri tullantı sularına töküb, həmin sular da Xəzərə axıdılıb. Nəticədə, təbiətə və ölkə ekologiyasına zərər vurulub.
Vətəndaşlar adiyyatı qurumların tezliklə problemi həll etməsini tələb edir.
Səfər