YPX-nin avtomobili yük maşınının altında qaldı: 2 ölü - FOTO

Yol Patrul Xidmətinin avtomobili “Scania” markalı yük maşınının altında qalıb. Avtosfer.az “life.ru”ya istinadən xəbər verir ki, hadisə aprelin 26-sı günorta saatlarında Rusiyanın Krasnodar vilayətinin Pavlovsk rayonunda baş verib.

İlkin məlumatlara görə, yük maşınının sürücü zolağı dəyişmək istəyərkən, eyni istiqamətdə hərəkət edən YPX-nin avtomobilinə yandan çırpılıb. Qəzanın şiddətindən avtomobil yük maşınının altında qalaraq yoldan çıxıb və nəqliyyat vasitəsi defarmasiyaya uğrayıb.

Nəticədə iki polis inspektoru hadisə yerində ölüblər.

Polis qəza ilə bağlı araşdırmalara başlayıb.

Namiq