"Zoopark" ərtafında niyə parkinq yoxdur? - Hamıya cərimə yazılır... - FOTO

“Niyə insanlarımızı tələyə salmaq üçün işləyən ağıllar normal şərait yaratmaq üçün çalışmır?! Bu boyda zoopark yaradılıb, insanlar üçün bir yaxşılıq edilib, amma şərait yoxdur. Bu azmış kimi avtomobil parklamağa yer olmadığı halda DYP öz işindədir. Bu nə biabırçılıqdır?!”

Avtosfer.az xəbər verir ki, bunu hüquqşünas Səbuhi Axundov öz social media hesabında yazıb. O, bildirir ki, avtomobillər üçün parkinqin olmaması ciddi problemdir. “Bu avtomobillər harada dayanmalıdır deyə düşünməli olanlar niyə yatıblar?! İldə bir dəfə uşağı çölə çıxarmağa adam peşman olur. Yarıtmaz fəaliyyətə görə utanmaq əvəzinə hələ cərimələri də bu bədbəxt insanlara yükləyək. 50 manat uşağına xərcləyəndə 20 manat da DYP-yə köçürün. Niyə də?! Niyə bu boyda Zoopark tikiləndə hər cür şərait düşünənlər parklanmanı düşünməyiblər?! 2 km ərazidə parklanma yeri yoxdur. Polisdən soruşuram ki, harada park yeri var? Deyir, buralarda yoxdur. Bu əraziyə ictimai nəqliyyatla da gəlmək olmursa, uşaqlarla gələn valideyn nə etməlidir?!”

Fərid