20 yaşlı sərxoş futbolçu qəza törətdi: bir gün əvvəl nişanlanmış cütlük ölüb - FOTO + VİDEO

İspaniyanın “Sevilya” futbol klubunun əvəzedici komandasında hücumçu kimi iştirak edən Xoao Malik ölümlə nəticələnən ağır yol qəzası törədib.

Avtosfer.az “news.ru”ya istinadən xəbər verir ki, insident iyunun 23-ü baş verib. Qəzada gənc nişanlı cütlük ölüb. Bu barədə “Mundo Deportivo” portalı məlumat yayıb.

Məlumata görə, 20 yaşlı futbolçu sərxoş olub və avtomobili yüksək sürətlə idarə edib.

O, idarəetməni itirərək bir gün əvvəl nişanlanmış gənc cütlüyün olduğu maşına çırpılıb.

Polis qəza ilə bağlı təhqiqatlara başlayıb.

Qeyd edək ki, Malikin klubla müqaviləsi iyunun 30-na kimidir.

Namiq