Bakıda 8 zolaqlı yolda ölümə gedən piyadalar - Burada ayda bir piyada ölür - VİDEO

Nəqliyyat vasitələri və piyadaların hərəkətini tənzimləyən qaydalarla yanaşı vasitələr də var. Bu vasitələrdən biri də piyada keçidləridir. Lakin bəzi yollarda piyadalar onların təhlükəsizliyi üçün nəzərdə tutulmuş keçidlərdən istifadə etmir.

Avtosfer.az-a izləyicimiz tərəfindən göndərilən videoda da bu əks olunub. Belə ki, görüntülər Səbayıl rayonunda, Bayraq meydanının qarşısında qeydə alınıb. Ərazidə bir neçə yerdə piyada keçidi olsa da, insanlar 8 zolaqlı, iki istiqamətli yolu həmin keçidlərdən istifadə etmədən keçməyə çalışır.

Ərazidə təhlükəli vəziyyət hökm sürür. Demək olar ki, hər ay bu yolda piyadavurma hadisəsi baş verir. Bəzən sürücülər sürətlə döngəyə daxil olur. Piyada da qəflətən məhdud görünmə şəraitində yola çıxır və sürücü piyadanı gec gördüyü üçün vurur. Əksər hallarda vurulan piyadalar zərbənin təsirindən yerindəcə keçinir.

Məhəbbət Tərlanoğlu