Avtomobilin "prujinlərini" qızdıran sürücüləri nə gözləyir? - VİDEO

Avtomobilin konstruksiyasına qanunsuz müdaxilə edən sürücü qeydə aldığı videogörüntünü sosial şəbəkədə paylaşıb. Avtosfer.az xəbər verir ki, sürücü avtomobilin arxa yaylarını qızdıraraq xüsusi cihazla onu sıxıb. Əksər sürücülər bu üsulla yayları sıxıb avtomobilin arxasını aşağı salırlar. Bu, konstruksiyaya qanunsuz müdaxilə hesab olunur. Çünki yayları qızdıran zaman ehtiyat hissəsinin materialı öz keyfiyyətini itirir.

Avtomobili istehsal edən zavod hansı texniki göstəricilərə malik asqını quraşdırırsa, həmin göstəricilərdən kənara çıxmaq normativ tələbləri pozma kimi qiymətləndirilir.

Eyni zamanda avtomobilə bu cür dəyişiklik etmək təhlükəlidir və məsləhət deyil. Çünki, nəqliyyat vasitəsinin asqılarının vəziyyəti, onun dayanıqlığına, tormozlanmasına, sükan idarə mexanizminə və yükün paylanmasına təsir edir.

Qeyd edək ki, konstruksiyaya edilmiş bu cür dəyişikliklərə görə sürücülər 150 manat məbləğində cərimə edilə bilər.

Leyla