AYNA parka gələnlərin işini asanlaşdırıb yolu kəsənlərə qarşı tədbir gördü - VİDEO

Azərbaycan Yerüstü Nəqliyyat Agentliyinin əməkdaşları Səbail rayonu, Bayıl qəsəbəsində hərəkətin təşkili ilə bağlı yeniliklər edib. Avtosfer.az xəbər verir ki, vaxtilə Bakı Nəqliyyat Agentliyi tərəfindən lüzumsuz yerə qoyulan dayanma-durmanı qadağan edən yol nişanı Mikayıl Useynov küçəsində Bayı bağının ətrafından - Səbayel rayon Məhkəməsinin qarşısından götürülüb.

Vaxtilə sakinlər Avtosfer.az-a müraciət edərək bildirirdi ki, Bayılda insanların istirahəti üçün yeganə park buradır. Bura gələn zaman isə sürücülərə cərimə yazılır. Məsələ burasındadır ki, yol birtərəflidir və sağda dayanma-durmaya icazə verildikdə hərəkətə heç bir problem yaranmır. Bu nişanı Ziya Yusifzadə küçəsində problemli nöqtəyə quraşdırmaqla bağlı müraciət də AYNA-ya yönləndiriləndən sonra məsələ nəzarətə götürülüb. Bu gün 3.27 nişanı Bayıl bağının ətrafından götürülüb. Daha sonra isə Ziya Yusifzadə küçəsinin sonunda yeni tikilən binanın sakinləri və ya işçiləri tərəfindən yaradılan problemi həll etmək üçün yeni ünvana quraşdırılıb. Bununla da lazımsız yerə qoyulan nişan götürülərək daha vacib yerə quraşdırılıb.

Beləliklə, AYNA sakinləri narahat edən problemi həll edərək digər ərazidəki problemi aradan qaldırmaq üçün addım atıb.

Emin