Bakı küçələrində “avtoş”luq edən “Kirpi” ləqəbli “Prius” - VİDEO

Paytaxt küçələrində avtoxuliqanlıq edən sürücünün görüntüləri sosial şəbəkələrdə geniş yayılıb.
Avtosfer.az-ın məlumatına görə, 21-BH-547 dövlət nömrə nişanlı “Toyota Prius” markalı avtomobilin sürücüsü törətdiyi qayda pozuntularını videoya çəkərək paylaşıb və bununla da gənclərə pis nümunə göstərib.
Belə ki, zolaqlar arasında ardıcıl olaraq keçid edən sürücü manevr qaydalarını kobud şəkildə pozaraq digər nəqliyyat vasitələrinə qəza təhküləsi yaradır. 
Həmçinin sürət həddini aşaraq hərəkətdə olan digər avtomobili sıxışdırır və onun qəza riskinə düşməsinə səbəb olur. 
Eyni zamanda sürücü dövlət nömrə nişanını istehsalçı şirkətin təyin etdiyi yerdən çıxararaq buferin sol tərəfinə vurub.
Qeyd edək ki, avtoxuliqanlığı təbliğ edən sürücü avtomobilinə “kirpi” ləqəbini qoyub.

Nərmin Əkbər