Sürücülərin yolunu kəsən bahalı toy kortejindəki 003 nömrəli "Rolls Royce" kimindir? - VİDEO

Bakı-Quba yolunda hərəkətə mane olan toy kortejinin videosunu oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə noyabrın 8-də baş verib. Belə ki, 10-JE-003 qeydiyyat nişanlı "Rolls Royce" markalı bəy-gəlin maşını və onun ardınca hərəkət edən müxtəlif markalı avtomobillərin sürücüləri yolun hər iki zolağını zəbt ediblər. Arxadan gələn digər sürücülər onları ötmək istəsələr də, buna şərait yaratmayıblar. Bu səbəbdən ötüb keçmək istəyən sürücülər məcbur qalıb yol çiyninə çıxmalı olublar.

Videogörüntünü qeydə alan sürücü həmin kortejdə hərəkəti məhdudlaşdıran sürücülərin məsuliyyətə cəlb edilməsini xahiş edir.

Ümid edirik ki, tez bir zamanda məsələ ilə bağlı ciddi ölçü götürüləcək.

Leyla