Bakının mərkəzində kran təhlükə yaradır? - FHN-dən AÇIQLAMA - FOTO

Paytaxtın Cəlil Məmmədquluzadə küçəsində yeni bina tikilir. Bu binanın tikinti işləri ciddi təhlükə yaradıb.

Avtosfer.az-a izləyicimizdən birinin göndərdiyi fotodan aydın olur ki, qaldırıcı kran qanunazidd olaraq yeni tikilən binadan avtomobil yolunun hərəkət hissəsinə uzadılıb. Bu da nəqliyyat vasitələri üçün ciddi təhlükə yaradır. Belə ki, kran hər an qopub, keçən avtomobillərin üzərinə düşə bilər. Bu kimi halların az şahidi olmamışıq. Belə təhlükəli vəziyyətdən heç kim sığortalanmayıb. Baş verən qayda pozuntusunun araşdırılmasına və bir daha belə halların baş verməməsinə ümid edirik.

Fövqəladə Hallar Nazirliyindən Avtosfer.az-a bildirilib ki, göstərilən ünvanda kran quraşdırılma mərhələsindədir. Bu halda kranın yüksüz hərəkəti qanun pozuntusu deyil.

Məhəbbət Tərlanoğlu