Bu küçədə piyada keçidinin olmaması qəzalara səbəb olur - AYNA nəzarətə götürdü - VİDEO

Avtosfer TV 23 Noyabr 2023 19:40 Oxunub 686
Bu küçədə piyada keçidinin olmaması qəzalara səbəb olur  - AYNA nəzarətə götürdü  - VİDEO
WhatsApp kanalımıza abunə ola bilərsiniz

Sabunçu rayonu Maştağa qəsəbəsində yaşayan sakinlərdən saytın qaynar xəttinə şikayət daxil olduqdan sonra əraziyə baxış keçirdik. Problem Abşeron və Xanlar küçələrinin kəsişməsində heç bir nişanlanma xəttinin, piyada keçidinin və işıqforun olmamasıdır. Avtosfer.az xəbər verir ki, sakinlər sözügedən ərazidə tez-tez yol nəqliyyat hadisələrinin olduğunu iddia edirlər. Araşdırmalarımız nəticəsində iddiaların gerçək olduğu meydana çıxdı. Ərazidə indiyə kimi onlarla yol nəqliyyat hadisəsi qeydə alınıb, üstəlik hadisə qurbanlarının bir çoxu məktəblilərdir. 


Məsələ ilə bağlı Azərbaycan Yerüstü Nəqliyyat Agentliyi ilə əlaqə saxladıq. AYNA-nın mətbuat katibi Tural Orucov sözügedən əraziyə AYNA-nın əməkdaşları tərəfindən daha öncədən baxış keçirildiyini və aidiyətı qurumlarla razılaşdırılmaqla eynisəviyyəli nizamlanmayan piyada keçidinin təşkil edilməsi qərara alınıb. “Yaxın zamanda ərazidə müvafiq yol nişanları quraşdırılacaq və nişanlanma xətləri çəkiləcək.”


Nurlan Sakitoğlu

 

ŞƏRH YAZ
Ad

E-mail

Şərh