Bu svetoforun yaşıl işığı işləmir - Sürücülər təhlükə ilə üz-üzədir - VİDEO

Biləcəri qəsəbəsində svetofor obyektinin iş rejimində yaranan problem sürücüləri çaş-baş salıb. Avtosfer.az xəbər verir ki, söhbət Yəhya Hüseynov və Xurşidbanu Natəvan küçələrinin kəsişməsindən (300 saylı orta məktəbin qarşısından) gedir. Belə ki, redaksiyamıza müraciət edən oxucu bildirir ki, həmin svetofor obyekti təxminən 1 il əvvəl quraşdırılıb, lakin yaxın vaxtlarda istifadəyə verilib. Həmin svetoforun yaşıl işığı işləmədəyi üçün sürücülər bilmədən yaşıl işıqda da dayanırlar. Ən pis hal ondan ibarətdir ki, icazə siqnalından sonra xəbərdarlıq edilmədiyi üçün birbaşa qadağanedici işıq yanır. Bu isə digər istiqamətdən gələn sürücülərlə toqquşmaya səbəb ola bilər.

Ümid edirik ki, aidiyyəti qurumlar tez bir zamanda baş verən nöqsanı aradan qaldıracaq.

Fərid