Əksər sürücülər bu halda qayda pozmadıqlarını düşünür - VİDEO

Əksər sürücülər dönmə işığını yandıraraq manevr qaydasını pozduqları zaman qayda pozuntusu törətmədiklərini düşünürlər. Lakin dönmə işığını yandırmaq həmin sürücüyə istədiyi kimi hərəkət etmək hüququ vermir. Eyni zamanda, sağdan ötmə dönmə işığı yandırılsa belə qadağandır. 

İnzibati Xətalar Məcəlləsinin 327.1-ci maddəsinə əsasən, bu, manevr qaydasının pozulması hesab edilir və sürücü 40 manat məbləğində cərimə olunur.

Paytaxt küçələrinin birinində analoji hal kameraya düşüb. 

Avtosfer.az xəbər verir ki, hadisə bir müddət əvvəl axşam saatlarında qeydə alınıb. Belə ki, “VAZ” markalı avtomobilin sürücüsü hərəkətdə olduğu zolaqdan anidən sola keçərək sağdan ötmə edib. 

Maraqlıdır ki, sürücü qaydanı pozduqdan sonra dönmə işığını yandırıb. Lakin həmin zolaqda hərəkətdə olan digər avtomobilin sürücüsü peşəkarlıq nümayiş etdirərərək yaranmış təhlükəni dəf edib. 

Ümid edirik ki, yuxarıda qeyd olunan kimi dönmə işığının istənilən manevrə icazə verdiyini düşünən sürücülər bu görüntülərdən ibrət çıxarar.

Videonu təqdim edirik.

Nərmin