Ərşad Hüseynov tıxaclardan və ictimai nəqliyyatdan danışdı - VİDEO

Paytaxtın tıxac problemini necə aradan qaldırmaq olar?

Hüquqşünas Ərşad Hüseynov Avtosfer TV-nın yeni buraxılışında  ekspert Elməddin Muradlı ilə birlikdə tıxac problemindən danışıb. Onun sözlərinə görə, bu istiqamətdə hərtərəfli işlər görülməsi şərtdir. Lakin ən əsası şəhərsalma ilə bağlıdır. İlk olaraq Bakıdan kənar olan ərazilər inkişaf etdirilməlidir.

İkincisi, ictimai nəqliyyata yanaşma kökündən dəyişməlidir, yeni metro stansiyaları açılmalı, avtobusların sayı artırılmalıdır və ən vacibi gediş haqqları azaldılmalıdır.

Ekspertin “Əgər bütün bu deyilənlər reallaşarsa, şəxsi avtomobilindən imtina edənlər olacmı?” sualına aydınlıq gətirən hüquqşünas qeyd edib ki, vətəndaşlar arasında sorğu keçirilib və çox gözəl nəticə əldə olunub. “Mən inanıram ki, verilən cavablar səmimi idi. Əlbətdə olacaq, bu gün ictimai nəqliyyat səni daha rahat, tez və büdcəyə uyğun şərtlə aparırsa niyə də olmasın. Üstəlik, bunun insan həyatı üçün də önəmi çoxdur”.

Ərşad Hüseynov Bakıda metro stansiyalarının sayının plana uyğun olmadığını da vurğulayıb.

Nurlan Sakitoğlu