Gecə yolu bu prospektdən düşən sürücülər diqqətli olsun – Yenə qazıblar, nişan yoxdur - VİDEO

Paytaxtın 8 Noyabr prospektində təhlükəli vəziyyət yaranıb. Bu barədə izləyicilərimizdən biri Avtosfer.az-a video göndərib. Videodan aydın olur ki, Zığ dairəsindən üzü şəhər istiqamətində hərəkət edərkən SOCAR YDM-ni keçən kimi yolun kənarında təmir işləri aparılır. Görüntülərdə bəzi yerlərdə hərəkət zolağının üzərinə qum-çınqıl töküldüyü və ağır texnikaların park edildiyi aydın görünür. Lakin ərazidə təmir tikinti işlərinin getməsi ilə bağlı heç bir xəbərdarlıq nişanı yoxdur. Üstəlik, yolun sağ tərəfi işıqlandırılmadığı üçün sağdakı iki zolaq tam qaranlıq olur və sürücülərin həmin maneəni gec görüməsinə səbəb olur. Bu da axşam saatlarında yoldan istifadə edən sürücülər üçün təhlükə yaradır.

Xəbərdarlıq nişanının olmaması sürücüləri çaşdıra və ciddi qəzalara yol aça bilər.

Qeyd edək ki, belə hallara bir çox dövlət qurumları tərəfindən yol verilir və bu da ağır qəzalara səbəb olur. Görünür, hələ də nəticə çıxarmayıblar.

Məhəbbət Tərlanoğlu