Ləğv olunan piyada keçidində zebra niyə silinmir? - Sürücülər narazı, piyadalar təhlükədə - VİDEO

Bir müddət əvvəl Neftçilər prospektində, Əl Oyunları Sarayının qarşısındakı, yol ayrıcının içində olan piyada keçidi ləğv olunaraq elə sarayın qarşısında yerləşən işıqforun yanına çəkilmişdi. Bu addım təhlükəsizlik üçün daha yaxşıdır.

Avtosfer.az xəbər verir ki, ləğv olunmasına baxmayaraq piyada keçidində yolun üzərinə çəkilmiş zebra yerindəcə qalıb. Bu hal sürücülərin haqlı narazılığına səbəb olur.

Belə ki, zebranın yerdən silinməməsi nəticəsində piyadalar keçiddən istifadə edir. Sürücülər həm işıqforda, həm də bir az öndə yerləşən keçiddə durmalı olurlar. 

Ümid edirik ki, narazılığa səbəb olan bu hall tezliklə aradan qaldırılacaq. Həm sürücülər, həm də piyadalar yoldan daha təhlükəsiz keçə biləcək.

Məhəbbət Tərlanoğlu