Lizinqdə olan iki “Khazar” toqquşdu: Biri qayda pozdu, o biri isə.. - ANBAAN VİDEO

Paytaxtın Mikayıl Əliyev küçəsində qayda pozan sürücünün törətdiyi qəza anbaan kameraya düşüb.
Avtosfer.az-ın məlumatına görə, hadisə yanvarın 11-i saat 20:20 radələrində qeydə alınıb. Hərəkətdə olan 90-PY-467 dövlət nömrə nişanlı “Khazar” markalı avtomobilin sürücüsü dairəvi hərəkət təşkil olunmuş yolayrıcının keçilməsi qaydasını pozub. Belə ki, o, digər nəqliyyat vasitələrinə əhəmiyyət vermədən avtomobili sürüb. Nəticədə anidən idarəetməni itirərək 90-PY-380 dövlət nömrə nişanlı “Khazar” markalı avtomobillə toqquşub. 
Qeyd edək ki, hər iki avtomobilin lizinqdə olan avtomobil olduğu görünür. 
Xatırladaq ki, bu qayda pozuntusu İnzibati Xətalar Məcəlləsinə əsasən 3 bal 80 manat cəriməylə nəticələnir.

Nərmin