Maşını vurulan qazi 10 aydır sığortadan pul ala bilmir: SƏBƏB - VİDEO

Avtomobili vurulan sürücü ona dəymiş ziyanın hələ də ödənilməməsiylə bağlı Avtosfer.az-a müraciət edib. 44 günlük Vətən müharibəsi iştirakçısı İsmayılov Vəfadarın sözlərinə görə, qəza martın 12-i, saat 17:59 radələrində Bakı-Sumqayıt yolunda baş verib. 
Belə ki, o, 99-GC-845 dövlət nömrə nişanlı “Opel” markalı avtomobillə hərəkətdə olarkən 99-DX-976 dövlət nömrə nişanlı “Ravon” markalı maşın tərəfindən vurulub. Zərərçəkmiş sürücünün qəza törədərək hadisə yerindən uzaqlaşdığını və avtomobilinə dəymiş ziyanın hələ də aradan qaldırılmamasını iddia edir. “Qəzadan 10 ay keçməsinə baxmayaraq avtomobilimə dəymiş ziyan sığorta tərəfindən ödənilmir. Şirkət zərərin qarşılanması üçün Forma 4 sənədi tələb edir. Aidiyyəti orqana yaxınlaşdığım zaman isə qəza törədən sürücünün idarəyə gəlməsini və ona müvafiq protokol yazıldıqdan sonra sənədi verə biləcəklərini qeyd edirlər”.
Sürücü məsələnin ictimailəşdirilməsini və müvafiq köməklik göstərilməsini xahiş edir. 
Videomaterialı təqdim edirik:

Nərmin