Məhəmmədi küçələrində “07”nin qabağını qaldırıb qayda pozan Tik-Toker - VİDEO

Sosial şəbəkələrdə qayda pozub videoya çəkən, yaxud görüntülənən sürücülər kifayət qədərdir. Xüsusilə “TikTok” sosial platformasında bu tip videolara sıx rast gəlmək olur. Paylaşılan videoların istifadəçi sayı getdikcə artan sosial şəbəkədə yayınlanması isə yetişməkdə olan gənc nəslə pis örnəkdir. 
Qeyd etdiyimiz məsələylə bağlı daha bir TikTokerin videoları sosial şəbəkələrdə geniş yayılıb. Avtosfer.az-ın məlumatına görə, 10-VR-897 dövlət nömrə nişanlı, “VAZ-2107” markalı avtomobilin sürücüsü törətdiyi qayda pozuntularını videoya çəkərək paylaşıb. Görüntülərdən aydın olduğu kimi, “VAZ”a müəyyən konstruksiya dəyişikliyi edilib. Belə ki, o, avtomobilin yaylarını kəsərək ön hissəsini qaldırıb. Həmçinin bəzi videolarında maşını ön dövlət nömrə nişanı olmadan idarə edib. Digər görüntüdə isə sürücü, əks yola çıxaraq təhlükə yaradıb və “07”ni avtobus dayanacağında saxlayaraq çəkiliş edib. 

Nərmin