Məktəb yolunda piyada keçidi yoxdur: şagirdlər çətinlik çəkir - VİDEO

Xətai rayonu, Zığ şosesində (63 saylı məktəbin yanı) yolun hər iki tərəfində avtobus dayanacaq məntəqəsi olsa da, amma yolu keçmək üçün nə piyada keçidi, nə də işıqfor var.

Avtofer.az xəbər verir ki, bu barədə vətəndaş Kamal Süleymanzadə məlumat verib. Bu yerdə hətta ölümlə nəticələnən qəzaların baş verdiyi deyilir. Ərazidə yerüstü piyada keçidləri var, amma onlar dayanacaqdan uzaq məsafədə yerləşirlər.

Hər gün səhər övladlarını məktəbə aparan valideynlərin əziyyət çəkdikləri bildirilir.

Vətəndaşlar Azərbaycan Yerüstü Nəqliyyat Agentliyindən problemi həll etməyi xahiş edir.