Paytaxtın mərkəzində səkidə tikilən qanunsuz obyekt söküldü - VİDEO

Piyadaların təhlükəsiz hərəkəti üçün təşkil olunmuş səki və keçidlərin zəbt olunduğunu tez-tez müşahidə edirik. Bu həm piyadaların hərəkətinə maneə olur, həm də onların həyatı üçün təhlükə mənbəyidir.

Avtosfer.az xəbər verir ki, analoji hadisə Mətbuat prospektində qeydə alınıb.

Bu barədə dünən (27 dekabr) izləyicilərimizdən biri saytımıza videogörüntü göndərib. Görüntülərdən aydın olur ki, səkidə ağaclar kəsilib, yer betonlanıb. Budaqları budanıb, dibi betonlanan bir ağac isə çox güman ki, yaxın zamanda kəsiləcək. Ağacların nə vaxt və necə kəsildiyi məlum deyil. Səkidə yeni tikili ilə yanaşı çay evi də inşa edilib. Bu ətrafdakı bitki örtüyünə zərər vurub, həmçinin piyadaların hərəkətinə də maneə olur.

Məsələ ilə bağlı Avtosfer.az Bakı Şəhər Memarlıq və Şəhərsalma Baş İdarəsinə və Yasamal Rayonu İcra Hakimiyyətinə müraciət etdik. Hər iki qurum faktla bağlı araşdırma aparacağını bildirdi.

Avtosfer.az-a Dövlət Şəhərsalma və Arxitektura Komitəsinin Ümumi işlər və ictimaiyyətlə əlaqələr şöbəsinin müdir müavini - sektor müdiri Ramiz İdrisoğlu ümumi işlər və ictimaiyyətlə əlaqələr şöbəsinin müdir müavini - sektor müdiri Ramiz İdrisoğlu bildirib ki, idarənin əməkdaşları tərəfindən Yasamal rayonu, Mətbuat prospekti ünvanında şəhərsalma nəzarəti qaydasında monitorinq keçirilib:

“Nəticədə Baş İdarə tərəfindən sözügedən ünvanda özbaşına tikinti faktı aşkarlanaraq cəhdin qarşısı alınıb, müvafiq qurumlarla birlikdə metal konstruksiya sökülub”.

Məhəbbət Tərlanoğlu