Polisin olduğu yolda “avtoş”luq edib “TikTok” da paylaşdı - VİDEO

Dəfələrlə saxlanılsa da dərs götürməyən avtoxuliqan sürücü gənclərə pis örnək olmaqda davam edir.
Avtosfer.az-ın məlumatına görə, qayda pozan sürücü videolarını lentə aldıraraq sosial şəbəkələrdə paylaşır. Görüntüdən aydın olduğu kimi, 90-LP-154 dövlət nömrə nişanlı “VAZ-2107” markalı maşının sürücüsü nəqliyyat vasitəsinə müəyyən konstruksiya dəyişikliyi edib. Belə ki, o, avtomobilin ön hissəsini göyə qaldırıb və maşının şüşələrinə qara “plonyka” vurub. Hətta polis maşınıyla eyni yolu bölüşməsinə baxmayaraq avtomobili rahat şəkildə idarə etməkdən geri qalmayıb. 
Qeyd edək ki, “avtoş” sürücünün digər qayda pozuntularına baş vurduğu görüntüləri də var.

Nərmin