Qanunda sağtərəfli, praktikada soltərəfli – VİDEO

Azərbaycana sağtərəfli hərəkət SSRİ-dən miras qalıb desək, yanılmarıq. Sovet İttifaqı o zaman nəqliyyat sistemini Avropaya uyğun təşkil edib və anqlosaks sistemindən fərqli olaraq sağtərəfli hərəkətə üstünlük verib. 

Yollarda bu prinsip pozulmasa da, yeraltı keçidlərdə çox vaxt buna əməl edilmir. Elə Azneftdəki kimi. 

Məsələn, metroda istər girən, istərsə də çıxan sərnişin sağla hərəkət edir. Bu qanunauyğunluq heç bir stansiyada pozulmur. Lakin Azneft dairəsindəki yeraltı keçiddə sağla hərəkət edən piyada eskalatora çatdıqda sola keçməli olur. Bu da elə videodan göründüyü kimi təhlükə mənbəyidir. 

Lakin xətanın aradan qaldırılması mümkündür. Eskalatorlarda xırda bir nizamlama ilə hərəkət istiqamətini dəyişmək və piyadalar üçün riski aradan qaldırmaq olar.