"Qoçuluq" edib yol kəsən sürücü cərimələndi - VİDEO

Fevralın 14-də Bakı-Sumqayıt yolunda qoçuluq edən taksi sürücüsünün yolu kəsərək digər sürücünü söyüb təhqir etməsi ilə bağlı video görüntü yayılmışdı. Avtosfer.az xəbər verir ki, Bakı-Sumqayıt yolunun üzü şəhər istiqaməti olan hissəsində (Beynəlxalq Avtovağzalın yanında) sağ zolaqla hərəkət edən 99-AU-712 qeydiyyat nişanlı "Azsamand" markalı avtomobilin sürücüsü yol hərəkəti qaydasını pozaraq sol zolaqda hərəkət edən sürücünün qarşısına keçib. Sürücü qəzanın qarşısını almaq məqsədi ilə səs siqnalından istifadə edib. "Azsamand"-ın sürücüsü bundan əsəbiləşərək digər sürücünün qarşısını kəsərək yolda hərəkəti məhdudlaşdırıb. Sonra avtomobildən düşüb qərəzli hərəkətlər edərək səs siqnalından istifadə edən sürücünün şərəf və ləyaqətini alçaldan ifadələr işlədib. 

Binəqədi rayon 40-cı Polis Bölməsində xuliqanlıq edən şəxs barəsində araşdırılma aparılıb və sürücünün şəxsiyyəti məlum olub. Sürücü Elnur Əmrəliyev barəsində İXM-nin 510-cu maddəsi ilə inzibati xəta haqqında protokol tərtib olunub.

Təbriz