SOCAR-ın TIR-ları hər gün bu yolu bağlayır - VİDEO

SOCAR-ın Heydər Əliyev adına Neft Emalı Zavodunun önündə yük avtomobilləri yolun hər iki istiqamətində parklanır. Bu da yoldan keçən avtomobillərin hərəkətinə ciddi maneə yaradır.

Avtosfer.az-a izləyicimizdən birinin göndərdiyi görüntülərdə aydın görünür ki, ərazidə yük maşınlarının parklanması üçün həm zavodun ərazisində, həm də ətrafda geniş imkan var. Lakin TIR-lar Oqtay Vəliyev küçəsində yolun hərəkətli hissəsində dayanaraq ciddi təhlükə mənbəyinə çevrilir. İzləyicimiz bildirib ki, bu hal hər gün müşahidə olunur. Görüntülərdə yolu TIR-lar tərəfindən zəbt olunmuş avtomobillərin məcburən əks zolağa keçməli olduğu da əks olunub. Həmçinin bu maşınların təhlükəli maddələr daşıdığını nəzərə alsaq hər hansı qəza baş verərsə partlayış çox böyük bir ərazini əhatə edə bilər.

Güman edirik ki, bu təhlükəli hal tez bir zamanda öz həllini tapacaq.

Məhəbbət Tərlanoğlu