Sürücülərdən 50 qəpik tələb edən “dilənçi”lər kimlərdir? - VİDEO

“Maşın Bazarı”ından çıxış üçün sürücülərdən 50 qəpik pul tələb olunur.

Avtosfer.az xəbər verir ki, hadisə Babək prospektindəki “Maşın Bazarı”ında qeydə alınıb.

İzləyicilərimizdən birinin göndərdiyi videoda aydın əks olunub ki, avtomobillərin çıxış yolunda köşk və şlaqbaun quraşdırılıb. Avtomobillərin ordan keçməsi üçün 50 qəpik ödəniş etməlidirlər. Əks halda şlaqbaun açılmayacaq.

Bu “50 qəpik”lərin kim və ya nə üçün yığılması isə bəlli deyil. Ümumiyyətlə pulların yığılması üçün heç bir səbəb yoxdur. Sadəcə yolu bağlayanlar müasir “dilənçiliyin” fərqli formasından istifadə edirlər.

Məhəbbət Tərlanoğlu