Timsah dayanacaqda məktəb avtobusunu gözləyir – VİDEO

ABŞ-ın Florida ştatında maraqlı hadisə yaşanıb. Belə ki, timsah məktəb avtobusunun dayanacaqlarından birində dayanıb, bu səbəbdən polis dayanacağı bağlamağa məcbur olub.

Avtosfer.az Oxu.az-a istinadən məlumatına görə, nəhəng sürünən yerə uzanaraq dayanacağı tərk etməkdən imtina edib. Onun artıq bir neçə gündür ki, hər gün azı 6 uşağın mindiyi avtobusu gözlədiyi bildirilir.

Hüquq mühafizə orqanı əməkdaşları dayanacağı hər tərəfdən bağlayıb, yırtıcını qovmağa başlayır, ancaq inadkar timsah yerindən tərpənmir ki, tərpənmir. “Təslim olan” polis əməkdaşları əraziyə vəhşi heyvanların ovlanması üzrə mütəxəsis çağırmalı olublar. O, timsahı tutaraq, vəhşi təbiətə buraxıb. Timsahların insanlara yaxınlaşması bölgədə hava temperaturunun yüksəlməsi ilə əlaqləndirilir. Ştat rəhbərliyi vətəndaşları küçədə onlarla rastlaşan zaman, yaxınlaşmamağa, onları yemləməyə çalışmamağa və yalnız icazə verilən göl və çaylarda çimməyə çağırıb.