Tıxacda əks istiqamətə çıxıb təhlükə yaratdılar - VİDEO

Paytaxtda kobud qayda pozan sürücülər görüntülənib.

Avtosfer.az xəbər verir ki, hadisə Dilarə Əliyeva küçəsində Azərbaycan dövlət neft və sənaye universitetinin qarşısında qeydə alınıb.

Belə ki, 77-CC-479 dövlət qeydiyyat nişanlı, “Great Wall Vollex C30” markalı və 77-FD-569 dövlət nömrə nişanlı, “Opel Astra” markalı avtomobillərin sürücüləri tıxacda qoşa xəttin tələbini pozaraq əks yola çıxıb. Sürücülər təhlükəli manevri ilə həm özləri, həm də əks istiqamətdə hərəkətdə olanlar üçün qəza vəziyyəti yaradıb.

Qeyd edək ki, həmin sürücülərin hər biri barəsində İnzibati Xətalar Məcəlləsinin 327.4-cü maddəsinə əsasən 4 bal 150 manat cərimə tətbiq olunmalıdır.

Məhəbbət Tərlanoğlu