“Toyota” “zebra”da iki piyadanı vurdu: ikisi də havada “uçdu” - VİDEO

Rusiyanın Sankt-Peterburq şəhərində minik avtomobili iki nəfəri vurub. Avtosfer.az xəbər verir ki, insident ötən axşam Lensovet küçəsində qeydə alınıb.

Məlumata görə, hərəkətdə olan “Toyota” markalı minik avtomobili piyada keçidindən keçən qadın və kişini vurub. Zərbənin gücündən hər iki piyada havada “uçaraq” ətrafa düşüblər.

Nəticədə yaralılar xəstəxanaya çatdırılıblar. Onlardan birinin vəziyyətinin ağır olduğu bildirilib.

Hüquq-mühafizə orqanları tərəfindən araşdırmalar aparılır.

Namiq Musayev