Uşaqlarının həyatını təhlükəyə atan valideyn - VİDEO

Uşaqlar yol hərkətinin ən zəif və köməksiz iştirakçıları olduğu üçün onlara qarşı xüsusi diqqət göstərmək və yol hərəkəti qaydalarını başa düşülən şəkildə öyrətmək lazımdır.
Hər bir valideyn yolda hərəkət edərkən qaydalara riayət edib onlara nümunə olmalıdır. 
Avtosfer.az-ın təqdim etdiyi görüntüdə ata öz uşaqlarını təhlükəli şəkildə yolun hərəkət hissəsi ilə aparır.
Görüntünü qeydə alan sürücü, uşaqları yolun hərəkət hissəsi ilə aparan valideynə öz iradını bildirib. Valideyn isə "mən də sənin kimi sürücüyəm, bu yola maşınla girə bilmədiyim üçün uşaqları bu cür aparıram"-deyə fikir bildirib.

Avtomobillə həmin yola daxil ola bilməməyin səkiylə hərəkət etməklə heç bir əlaqəsi yoxdur. 

Bir daha valideynlərə tövsiyə edirik ki, uşaqlarının həyatını qorumaq üçün onlara yol hərəkətinin ən sadə qaydalarını izah etsinlər və özləri də qaydalara riayət edərək onlara nümunə olsunlar.

Təbriz Yusubov