Yol polisi ATV-nin aparıcısını ölümlə üz-üzə qoyan sürücünü aşkarladı - FOTO - VİDEO

“ATV aktual” proqramının aparıcısı Ülviyyə Zülfiqar ölüm təhlükəsi ilə üzbəüz qalıb. Avtosfer.az xəbər verir ki, bu barədə “ATV xəbər”də məlumat verilib. Bildirilib ki, aparıcı səhər saatlarında yolu keçmək istəyərkən “Ford transit” markalı avtomobil piyada xəttində olan Ülviyyəyə önəm verməyib. Sürücünün ehtiyatsızlığı aparıcını ölümlə üzbəüz qoyub. “Buna fərdi yanaşmıram, mənim yerimə başqa biri də ola bilərdi. Əgər bir saniyə gec olsa idi, hazırda həyatda yox idim” deyə, aparıcı bildirib.

Bakı şəhər Dövlət Yol Polisi İdarəsinin şöbə rəisi, polis polkovniki Vaqif Əsədov Avtosfer.az-a bildirib ki, hadisəsi törədən sürücü 99 SK 026 dövlət nömrə nişanlı, "Ford Transit" markalı yük maşınının sürücüsü Pənah Nəbiyev aşkarlanıb və İdarəyə dəvət olunaraq barəsində inzibati qaydada protokol tərtib olunub.

Fərid