Yol vermək üstündə mübahisə edən sürücülər bıçağa əl atdı - Polis onu axtarır - VİDEO

 İki sürücü arasında baş verən mübahisə birinin digərini bıçaqlaması ilə nəticələnib. Avtosfer.az xəbər verir ki, hadisə aprelin 20-də axşam saatlarında Türkiyənin İstanbul şəhərində qeydə alınıb.
Belə ki, Esenyurt rayonunun Namık Kamal küçəsində iki sürücü arasında yol vermək üstündə mübahisə düşüb. Qısa müddətdə böyüyən mübahisədə tərəflər maşından düşərək bir-birini təpik və yumruq zərbələri vurmağa başlayıblar. Sürücülərdən biri digər sürücünü ayağından bıçaqlayaraq hadisə yerindən uzaqlaşıb. Vəziyyəti görən ətrafdakı vətəndaşlar yaralıya ilkin tibbi yardım göstərərək təcili tibbi yardıma müraciət ediblər. Hadisə yerinə gələn təcili tibbi yardım briqadasının həkimləri yaralı sürücünü xəstəxanaya aparıblar. 
Polis hadisə ilə əlaqədar araşdırma başlayıb.
 

Namiq Musayev