Xətai Rayon İcra Hakimiyyəti səkini özü satışa çıxarmağa başlayıb? – VİDEO

Bakıda icra hakimiyyətlərinin qanunsuzluqlara göz yumması bir yana, özlərinin də etdiyi özbaşınalıqlara daha bir nümunə əlavə edilib.

Avtosfer.az xəbər verir ki, paytaxtın Xətai Rayon İcra Hakimiyyəti səkini sahibkarlara satması ilə bağlı sosial şəbəkələrdə video yayılıb və görüntülər istifadəçilərin narazılığına səbəb olub.

Belə ki, rayonun Mehdi Mehdizadə küçəsində piyadaların hərəkəti üçün nəzərdə tutulan ərazidə obyekt tikintisinə başlanılıb. Şəbəkə istifadəçiləri arasında həmin ərazidə yaşayan şəxslər bildirir ki, bu obyektin tikintisi başa çatana yaxın girişdə qaldırılan pilləkən tamamilə səkini zəbt edəcək.

Vətəndaşlar yaranan vəziyyətlə əlaqədar aidiyyəti qurumlaırn məsələni tezliklə nəzarətə götürmələrini gözlədiklərini bildiriblər.

Səfər