Bakı-Qazax yolunda yük maşını alova büründü - VİDEO

Paytaxt istiqamətində hərəkətdə olan yük avtomobilində yanğın hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, hadisə iyunun 11-də saat 23:00 radələrində Bakı–Qazax–Gürcüstan sərhədi avtomobil yolunun 364-cü kilometrliyində qeydə alınıb.

Məlumata görə, Allahverdiyev Nurlan Natiq oğlunun idarə etdiyi 35-DQ-545 dövlət nömrə nişanlı “DAF” markalı yük avtomobili Bakı istiqamətində hərəkətdə olarkən, nəqliyyat vasitəsinin 35-ZA-095 dövlət nömrə nişanlı qoşqu hissəsində qəfil yanğın baş verib.

Hadisə nəticəsində xəsarət alan olmayıb. Yanğın zamanı qoşqu hissəsi yararsız vəziyyətə düşüb.

Faktla bağlı araşdırma aparılır.

Nərmin