Bakıda 4 gün əvvəl dənizdə batan oğlanın meyiti TAPILDI

Bir neçə gün əvvəl Bilgəh qəsəbəsində dənizdə nəzarətsiz ərazidə batan Lerik rayon sakini Vüqar Adnayevin cəsədi aşkar edilib.

Avtosfer.az xəbər verir ki, bu barədə məlumatı Fövqəladə Hallar Nazirliyinin Mətbuat xidməti yayıb. 

Bildirilib ki, iyunun 21-də Bakının Sabunçu rayonu, Bilgəh qəsəbəsində dənizdə nəzarətsiz ərazidə batan - 2005-ci il təvəllüdlü Adnayev Vüqar Şahin oğlunun meyiti batdığı yerdən təxminən 8 km məsafədə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən suda tapılıb çıxarılaraq aidiyyəti üzrə təhvil verilib.

Qeyd edək ki, o, Bakıda mebel sexində çalışırmış.